Il departament d'educaziun, cultura e protecziun da l'ambient ha nominà Reto Weiss sco nov archivari dal stadi. El vegn a cumenzar ils 2 d'avrigl 2012 sia plazza en l'archiv dal stadi tar l'uffizi da cultura.

Reto Weiss ha lavurà dapi l'onn 1996 tar l'archiv dal stadi da Turitg, dapi l'onn 2001 sco manader da la partiziun per la constituziun da l'archiv. En questa funcziun ha el cusseglià l'administraziun turitgaisa en la gestiun da documents (records management) e conservà ils documents da valur archivarica ch'èn vegnids producids dals uffizis e da las autoritads dal chantun Turitg. Weiss, ch'è naschì l'onn 1961, ha publitgà differentas ovras davart dumondas d'archivaziun e davart l'istorgia turitgaisa.


Infurmaziuns:
Jürg Simonett, substitut dal manader da l'uffizi da cultura, tel. 081 254 16 26


Gremi: departament d'educaziun, cultura e protecziun da l'ambient
Funtauna: rg departament d'educaziun, cultura e protecziun da l'ambient