Las speculaziuns en connex cun ina famiglia da lufs cun giuvens al Calanda èn finidas. Duas observaziuns dals lufs giuvens ch'èn vegnidas communitgadas independentamain ina da l'autra a l'uffizi da chatscha e pestga dal Grischun conferman ch'ils lufs ch'èn sa domiciliads al Calanda dapi in tschert temp han survegnì pitschens. Quai è l'emprima cumprova segira d'ina famiglia da lufs en noss conturns dapi il return da quest animal da rapina grond en Svizra.


Fotografia agiuntada:
Luf pitschen al Calanda, fotografia dad Orlando Galliard



Infurmaziuns:
- Hannes Jenny, uffizi da chatscha e pestga, tel. 081 257 38 93
- dr. Reinhard Schnidrig, uffizi federal d'ambient, secziun chatscha, pestga, biodiversitad dal guaud, tel. 031 323 03 07


Gremi: uffizi da chatscha e pestga dal Grischun
Funtauna: rg uffizi da chatscha e pestga dal Grischun