Cuntegn da la pagina

Il Grischun essan nus – la presidenta da la regenza tranter nus

  • Erste Mitteilung
  • Neuen Beitrag einfügen

Durant ses onn presidial vul la presidenta da la regenza Barbara Janom Steiner tgirar en moda particulara il contact cun la populaziun grischuna. Per quest intent ha ella envidà il mais passà la populaziun d'inoltrar propostas per inscunters en las trais regiuns linguisticas. Las numerusas propostas inoltradas vegnan actualmain examinadas, ed igl ha lieu ina selecziun.

En il rom da l'emprim inscunter sa renda Barbara Janom Steiner damaun sonda en la vischnanca da Tumegl. Ella sa participescha ad in visita dal chastè Ortenstein (a las 11.15) ed ad ina marenda cuminaivla. Suenter ha la populaziun la pussaivladad da discutar cun la presidenta da la regenza.

Igl è previs d'infurmar en duas emnas, tge ulteriurs lieus che la presidenta da la regenza vegn a visitar.


Infurmaziuns:
presidenta da la regenza Barbara Janom Steiner, scheffa dal departament da finanzas e vischnancas, tel. 081 257 32 01


Gremi: departament da finanzas e vischnancas
Funtauna: rg departament da finanzas e vischnancas

Neuer Artikel