Cuntegn da la pagina

S'annunziar per ils examens d'admissiun a las scolas medias grischunas

  • Erste Mitteilung
  • Neuen Beitrag einfügen
La primavaira 2013 han lieu ils examens d'admissiun chantunals per entrar en las scolas medias grischunas. S'annunziar per ils examens pon ins mo sin via electronica.

L'examen d'admissiun per l'emprima classa dal gimnasi ha lieu ils 12 da favrer 2013. Dals 8 d'october 2012 fin ils 17 da december 2012 pon ins s'annunziar per l'examen d'admissiun a l'emprima classa dal gimnasi sin la pagina d'internet www.zap.gr.ch.
L'examen d'admissiun a la terza classa dal gimnasi resp. a l'emprima classa da la scola media commerziala u da la scola media spezialisada vegn realisà ils 19 da mars 2013. Per quest examen è pussaivla l'annunzia electronica tranter ils 5 da november 2012 ed ils 14 da schaner 2013.
Annunzias posteriuras na vegnan betg resguardadas. Ulteriuras infurmaziuns davart ils examens d'admissiun ed indicaziuns detagliadas davart la procedura d'annunzia electronica stattan a disposiziun sin la pagina d'internet da l'uffizi per la furmaziun media-superiura (www.mittelschulen.gr.ch).


Infurmaziuns:
Ralf Blumenthal, referendari da la partiziun scolas medias e substitut da la manadra da la partiziun scolas medias, tel. 081 257 61 68


Gremi: Uffizi per la furmaziun media-superiura
Funtauna: rg Uffizi per la furmaziun media-superiura
Neuer Artikel