Navigation

Inhaltsbereich

  • Erste Mitteilung
  • Neuen Beitrag einfügen
Mardi, ils 11 da zercladur 2013, vegn il cussegl grond a tractar, durant la sessiun da zercladur, las petiziuns dal 1. parlament da mattas dal Grischun. Las cumissiuns predeliberantas proponan d'acceptar la petiziun per mauns da la regenza.
 
Il 1. parlament da mattas dal Grischun dals 8 da november 2012 ha deliberà duas petiziuns per mauns dal cussegl grond. L'emprima petiziun pretenda che l'abunament general grischun saja mez gratuit per tut ils giuvenils. La segunda petiziun pretenda ch'i dettia en mitga scola ina persuna da contact qualifitgada per cussegliar las victimas dal cybermobbing.
Tant la cumissiun per ambient, traffic ed energia sco er la cumissiun per furmaziun e cultura recumondan al cussegl grond d'acceptar las duas petiziuns per mauns da la regenza per ch'ellas possian vegnir elavuradas vinavant. Las propostas laschan presumar ch'ils dus giavischs èn vegnids prendids serius en las cumissiuns ed han chattà bainvulientscha e consentiment.
Quai è in grond success. Betg mo per las petiziunarias, mabain per il 1. parlament da mattas dal Grischun. La debatta parlamentara davart las petiziuns metta ils giavischs da persunas giuvnas en l'interess public. Ed ella mussa a las participantas dal parlament da mattas ch'ellas han lantschà cun success in process politic. 


Infurmaziuns:
Silvia Hofmann, manadra dal post da stab per l'egualitad da las schanzas, tel. 081 257 35 71, e-mail Silvia.Hofmann@stagl.gr.ch  


Gremi: post da stab per l'egualitad da las schanzas
Funtauna: rg post da stab per l'egualitad da las schanzas
Neuer Artikel