Navigaziun principala

Cuntegn da la pagina

L'ambassadur da la Frantscha sin visita tar la regenza grischuna

  • Erste Mitteilung
  • Neuen Beitrag einfügen
Sin invit da la regenza ha l'ambassadur da la Frantscha en Svizra, René Roudaut, visità oz il chantun Grischun.

L'ambassadur franzos René Roudaut è vegnì beneventà oz en la Chasa grischa a Cuira dal president da la regenza Mario Cavigelli e dal chancelier Claudio Riesen. L'ambassadur è vegnì accumpagnà da Sylvaine Carta-Le Vert, la consula generala franzosa a Turitg. Suenter il barat dals salids uffizials è in gentar cuminaivel stà sin il program.

La regenza grischuna tgira annualmain contacts cun represchentantas e represchentants da stadis esters en Svizra. Quests discurs èn elements impurtants da las relaziuns externas dal chantun. Cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia a barattar experientschas sin il champ cultural, economic e politic. 
 

Fotografia agiuntada:
-
L'ambassadur René Roudaut (segund da sanestra) accumpagnà da la consula generala Sylvaine Carta-Le Vert vegnan beneventads en la Chasa grischa a Cuira dal president da la regenza Mario Cavigelli (a sanestra) e dal chancelier Claudio Riesen.


Gremi: regenza
Funtauna: rg chanzlia chantunala dal Grischun
Neuer Artikel