Sin invit da la regenza ha l'ambassadura dal Canada en Svizra, Jennifer MacIntyre, visità oz il chantun Grischun.

L'ambassadura canadaisa Jennifer MacIntyre è vegnida beneventada oz en la chasa grischa a Cuira dal president da la regenza Martin Jäger e dal chancelier Claudio Riesen. L'ambassadura è vegnida accumpagnada da Dominique Gruhl-Bégin, la delegada d'economia da l'ambassada canadaisa. Suenter il barat dals salids uffizials è in gentar cuminaivel stà sin il program.

La regenza grischuna tgira annualmain contacts cun represchentantas e represchentants da stadis esters en Svizra. Quests discurs èn elements impurtants da las relaziuns dal chantun cun l'exteriur. Cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia a barattar experientschas sin il champ cultural, economic e politic. 
 

Fotografia agiuntada: L'ambassadura Jennifer MacIntyre (segunda da sanestra) accumpagnada da la delegada d'economia Dominique Gruhl-Bégin vegnan beneventadas en la chasa grischa dal president da la regenza Martin Jäger (a sanestra) e dal chancelier Claudio Riesen (a dretga). 


Gremi: regenza
Funtauna: rg chanzlia chantunala dal Grischun