Il chantun Grischun ha publitgà quest onn per la 19. giada ina concurrenza per promover la lavur culturala professiunala per projects gronds. En tut èn vegnids inoltrads 45 projects.

La concurrenza è vegnida annunziada il schaner 2016 en la pressa quotidiana grischuna, il termin d'annunzia è scadì il cumenzament da mars 2016. La cumissiun da concurrenza ha giuditgà 45 dumondas ch'èn vegnidas inoltradas en las suandantas spartas: art figurativ (17), film (6), istorgia e memoria (2), litteratura (8), musica (7) e teater (5).

Cun las contribuziuns ad ovras promova il chantun Grischun projects culturals artisticamain interessants, independents e realisabels. Las contribuziuns vegnan pajadas ad artistas ed artists che demussan in potenzial da svilup en lur activitad. Il sustegn finanzial als duai procurar la libertad necessaria per elavurar lur ideas e lur projects e per sviluppar vinavant lur activitad artistica. Ils criteris per la selecziun èn la professiunalitad e l'autenticitad d'in concept, la confruntaziun seriusa e profunda cun la cumpetenza professiunala sco er l'originalitad e la vardaivladad.

Il departament d'educaziun, cultura e protecziun da l'ambient ha decidì – sin proposta da la cumissiun da concurrenza e da l'uffizi da cultura – davart la surdada da las contribuziuns ad ovras. Las suandantas diesch artistas ed artists survegnan ina contribuziun ad in'ovra d'in import da mintgamai 20 000 francs:

Num: Daniel von Aarburg
Sparta:
Titel: film
project da film "Personenschaden"

Num: Astrid Alexandre
Sparta:
Titel: musica
project da musica "Umbrivas"

Num: Elia Aubry
Sparta:
Titel: art figurativ
project d'art "Warum bekommen eigentlich alle grauen Papageien mit rotem Schwanz den Namen Jacob"

Num: Flurina Badel
Sparta:
Titel: art figurativ
project d'art "De Novo"

Num: Andrin Berchtold
Sparta:
Titel: musica
project da musica "Songwriting und Komposition"

Num: Andreas Coray
Sparta:
Titel: musica
project da musica "Viver per far musica, far musica per viver"

Num: Hans Peter Gansner
Sparta:
Titel: litteratura
project da litteratura "D'Welschdörfli-Suita. A Ziit-Reis dur a legendärs Khuurer Quartier"

Num: Gerry Mottis
Sparta:
Titel: litteratura
project da litteratura "Terra Bruciata. Storia dei processi alle streghe in Mesolcina durante il 1600"

Num: Mario Pacchioli
Sparta:
Titel: musica
project da musica "Remas. Poesias romontschas en vestgiu sinfonic"

Num: Christian Sprecher
Sparta:
Titel: teater
project da teater "Winternacht"


Infurmaziuns:
- Barbara Gabrielli, manadra da l'uffizi da cultura, telefon 081 257 48 01, e-mail: Barbara.Gabrielli@afk.gr.ch
- Armon Fontana, promoziun da la cultura dal Grischun, telefon 081 257 48 02, e-mail: Armon.Fontana@afk.gr.ch.


Gremi: uffizi da cultura
Funtauna: rg uffizi da cultura