Navigation

Inhaltsbereich

  • Erste Mitteilung
  • Neuen Beitrag einfügen
Dr. Gao Yanping, consula generala chinaisa, ha visità oz il chantun Grischun sin invitaziun da la regenza.

La consula generala da la Republica populara da la China dr. Gao Yanping è vegnida beneventada oz en la chasa grischa a Cuira dal president da la regenza dr. Christian Rathgeb e dal chancelier dr. Claudio Riesen. Dr. Gao Yanping è vegnida accumpagnada da la consula Zhou Min e dal viceconsul Zhang Fengye. Suenter il barat dals salids uffizials è in gentar cuminaivel stà sin il program.

La regenza grischuna tgira annualmain contacts cun represchentantas e represchentants da stadis esters en Svizra. Quests discurs èn elements impurtants da las relaziuns dal chantun cun l'exteriur. Cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia a barattar experientschas sin il champ cultural, economic e politic.

Fotografia agiuntada:
-
La consula generala dr. Gao Yanping (entamez), accumpagnada da la consula Zhou Min (a sanestra) e dal viceconsul Zhang Fengye (a dretga), vegn beneventada en la chasa grischa dal president da la regenza dr. Christian Rathgeb (segund da sanestra) sco er dal chancelier dr. Claudio Riesen (segund da dretga).


Gremi: regenza
Funtauna: rg chanzlia chantunala dal Grischun
Neuer Artikel