Zum Seiteninhalt

L'ambassadur tudestg visita la regenza grischuna

  • Erste Mitteilung
  • Neuen Beitrag einfügen
Sin invit da la regenza ha l'ambassadur tudestg, Otto Lampe, visità oz il chantun Grischun.

L'ambassadur da la Germania Otto Lampe è vegnì beneventà oz en la chasa grischa a Cuira da la presidenta da la regenza Barbara Janom Steiner e dal chancelier Claudio Riesen. L'ambassadur è vegnì accumpagnà da la secretaria administrativa Ursula Braumann, manadra da la partiziun giuridica e consulara, e da la referendaria giuridica Sarah Finette. Suenter il barat dals salids uffizials è in gentar cuminaivel stà sin il program.

La regenza grischuna tgira annualmain contacts cun represchentantas e represchentants da stadis esters en Svizra. Quests discurs èn elements impurtants da las relaziuns externas dal chantun. Cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia a barattar experientschas sin il champ cultural, economic e politic.

Fotografia agiuntada:
-
L'ambassadur Otto Lampe (segund da sanestra), accumpagnà da la secretaria administrativa Ursula Braumann (a sanestra) e da la referendaria giuridica Sarah Finette (a dretga), vegnan beneventads en la chasa grischa da la presidenta da la regenza Barbara Janom Steiner (amez) e dal chancelier Claudio Riesen (segund da dretga).


Gremi: regenza
Funtauna: rg chanzlia chantunala dal Grischun
Neuer Artikel