Navigation

Inhaltsbereich

  • Erste Mitteilung
  • Neuen Beitrag einfügen
Il chantun Grischun ha publitgà quest onn per la 20. giada ina concurrenza per promover la lavur culturala professiunala per projects. En tut èn vegnids inoltrads 28 projects.

La concurrenza è vegnida annunziada il schaner 2017 en la pressa quotidiana grischuna, il termin d'annunzia è scadì il cumenzament da mars 2017. La cumissiun da concurrenza ha giuditgà 28 dumondas ch'èn vegnidas inoltradas en las suandantas spartas: art applitgà (2), art figurativ (9), film (6), istorgia e memoria (2), litteratura (1), musica (6) e teater (2).

Cun las contribuziuns ad ovras promova il chantun Grischun projects culturals artisticamain interessants, independents e realisabels. Las contribuziuns vegnan pajadas ad artistas ed artists che demussan in potenzial da svilup en lur activitad. Il sustegn finanzial als duai procurar la libertad necessaria per elavurar lur ideas e lur projects e per sviluppar vinavant lur activitad artistica. Ils criteris per la selecziun èn la professiunalitad e l'autenticitad d'in concept, la confruntaziun seriusa e profunda cun la cumpetenza professiunala sco er l'originalitad e la vardaivladad.

Il departament d'educaziun, cultura e protecziun da l'ambient ha decidì – sin proposta da la cumissiun da concurrenza e da l'uffizi da cultura – davart la surdada da las contribuziuns ad ovras. Las suandantas diesch artistas ed artists survegnan ina contribuziun ad in'ovra d'in import da mintgamai 20 000 francs:

Num: Rolf Caflisch
Sparta: musica
Titel: project "Klopfer. Solo-Music for Drum Set"

Num: Carlo Clopath
Sparta: art applitgà
Titel: project "Recherche innovativer Prozesse und Applikationen für Produkte, Objekte aus Holz"

Num: Susanna Fanzun
Sparta: film
Titel: project "Nos Chastè"

Num: Ervin Janz
Sparta: musica
Titel: project "Sketches"

Num: Tim Krohn
Sparta: litteratura
Titel: project "Niculins Reise in den Piz Spiert"

Num: Christian Ratti
Sparta: art figurativ
Titel: project "Passerella"

Num: Reto Senn
Sparta: musica
Titel: project "Slambad"

Num: Carla Trachsler
Sparta: art figurativ
Titel: project "Mim löffali ga störa"

Num: Ursina Trautmann
Sparta: teater
Titel: project "Stündchen"

Num: Luigi Zarra
Sparta: musica
Titel: project "Lou & friends"


Infurmaziuns:

- Barbara Gabrielli, manadra da l'uffizi da cultura, tel. 081 257 48 01, e-mail Barbara.Gabrielli@afk.gr.ch  
- Armon Fontana, promoziun da la cultura dal Grischun, tel. 081 257 48 02, e-mail Armon.Fontana@afk.gr.ch  


Gremi: uffizi da cultura
Funtauna: rg uffizi da cultura
Neuer Artikel