Navigation

Inhaltsbereich

  • Erste Mitteilung
  • Neuen Beitrag einfügen
Ils ultims dis ha l'organ da surveglianza da chatscha pudì furnir la cumprova ch'il triep dals lufs dal Calanda è sa reproducì per la sisavla giada.

Ultra da pliras fotografias d'ina trapla fotografica da la surveglianza da chatscha, conferman er las observaziuns da persunas privatas la nova reproducziun dal triep dal Calanda. Sin basa da las fotografias fatgas da la trapla fotografica ston ins far quint cun otg lufs giuvens. Ils ultims tschintg onns han pudì vegnir observads en il decurs da l'atun tschintg fin set lufs giuvens che han er pudì vegnir cumprovads geneticamain.

La fotografia agiuntada mussa otg lufs giuvens dal triep dal Calanda.

Fotografia:
-
Lufs giuvens dal triep dals lufs dal Calanda, annada 2017 (trapla fotografica UCP)


Infurmaziuns:

Dr. Georg Brosi, manader da l'uffizi da chatscha e pestga dal Grischun, tel. 081 257 38 92, e-mail Georg.Brosi@ajf.gr.ch


Gremi: uffizi da chatscha e pestga dal Grischun
Funtauna: rg uffizi da chatscha e pestga dal Grischun
Neuer Artikel