Zum Seiteninhalt

Surdà las contribuziuns da la concurrenza per promover la lavur culturala professiunala 2017 per projects pitschens

  • Erste Mitteilung
  • Neuen Beitrag einfügen
Il chantun Grischun ha publitgà quest onn per la dieschavla giada ina concurrenza per promover la lavur culturala professiunala per projects pitschens. En tut èn vegnids inoltrads 27 projects.

La concurrenza è vegnida annunziada mez zercladur 2017 en la pressa quotidiana grischuna, il termin d'annunzia è scadì ils 25 d'avust 2017. La cumissiun da concurrenza ha giuditgà 27 dumondas ch'èn vegnidas inoltradas en las suandantas spartas: art figurativ (7), film (2), istorgia e memoria (3), litteratura (6), musica (6) e teater (3).

Il departament d'educaziun, cultura e protecziun da l'ambient ha decidì – sin proposta da la cumissiun da concurrenza e da l'uffizi da cultura – davart la surdada da las contribuziuns ad ovras. Las suandantas diesch artistas ed artists survegnan ina contribuziun da mintgamai 10 000 francs per lur ovra:

  • Felix Benesch
    Sparta: teater
    Project: "1848. Einer für alle. Alle für einen"
  • Sabrina Bundi
    Sparta: litteratura
    Project: "Username Helvetia"
  • Riccarda Caflisch
    Sparta: musica
    Project: "Knochenflöte"
  • Corin Curschellas
    Sparta: musica, teater
    Project: "Hommage Hortensia"
  • Wolfram Frank
    Sparta: litteratura
    Project: "Texte 17. Diario"
  • Quirina Lechmann
    Sparta: musica
    Project: "Musik Pick-Nick"
  • Chasper-Curò Mani
    Sparta: musica
    Project: "Operetta giò'n plazzetta. La gïa magica"
  • Elisabeth Payer
    Sparta: art figurativ
    Project: "Migration – Imagination"
  • Prisca Roth, Guadench Dazzi
    Sparta: istorgia e memoria
    Project: "Genua. Das Meer Graubündens"
  • Remy Storni
    Sparta: film
    Project: "Zona di caccia"

   
Infurmaziuns:

- Barbara Gabrielli, manadra da l'uffizi da cultura, tel. 081 257 48 01, e-mail: Barbara.Gabrielli@afk.gr.ch
- Armon Fontana, promoziun da la cultura dal Grischun, tel. 081 257 48 02, e-mail: Armon.Fontana@afk.gr.ch


Gremi: uffizi da cultura
Funtauna: rg uffizi da cultura
Neuer Artikel