Navigation

Inhaltsbereich

Elecziuns dal cussegl grond – preavis per il segund scrutini e per l'elecziun cumplementara dal 1. da fanadur 2018

  • Erste Mitteilung
  • Neuen Beitrag einfügen
En l'emprim scrutini da las elecziuns dal cussegl grond dal Grischun da dumengia, ils 10 da zercladur 2018, n'han betg pudì vegnir occupads tut ils sezs. Per quest motiv ha lieu dumengia, il 1. da fanadur 2018, in segund scrutini respectivamain en in circul electoral in'elecziun cumplementara. Il 1. da fanadur 2018 ston vegnir elegids:

  • Circul electoral Jenaz: En il circul electoral Jenaz sto vegnir occupà anc in sez en il cussegl grond ed eruì ina suppleanta u in suppleant dal cussegl grond.
  • Circul electoral Lumnezia: Cunquai che Marcus Caduff è vegnì elegì ils 10 da zercladur 2018 tant en la regenza sco er en il cussegl grond, ha lieu in'elecziun cumplementara per il sez en il cussegl grond.
  • Circul electoral Roveredo: En il circul electoral Roveredo sto vegnir eruì anc ina suppleanta u in suppleant dal cussegl grond.
  • Circul electoral Schiers: En il circul electoral Schiers sto vegnir occupà anc in sez en il cussegl grond.
  • Circul electoral Suot Tasna: En il circul electoral Suot Tasna sto vegnir occupà anc in sez en il cussegl grond.
  • Circul electoral Tusaun: En il circul electoral Tusaun sto vegnir eruì anc ina suppleanta u in suppleant dal cussegl grond.

Ils resultats dals circuls electorals vegnan publitgads dumengia, il 1. da fanadur 2018, en l'internet sut www.gr.ch/grw. Ils resultats enconuschents vegnan publitgads cun ina communicaziun a las medias e sur Twitter (#WahlenGR).


Infurmaziuns:
Walter Frizzoni, vicechancelier, tel. 081 257 22 22, e-mail Walter.Frizzoni@staka.gr.ch


Gremi: chanzlia chantunala
Funtauna: rg chanzlia chantunala
Neuer Artikel