Navigation

Inhaltsbereich

Evaluaziun da la consultaziun tar la lescha d'energia dal chantun Grischun

  • Erste Mitteilung
  • Neuen Beitrag einfügen
La consultaziun tar la revisiun parziala da la lescha d'energia dal chantun Grischun ha chattà grond interess. Tut en tut 91 participantas e participants da consultaziun èn s'exprimids davart l'adattaziun planisada da las disposiziuns legalas al model da prescripziuns energeticas dals chantuns 2014 (MoPEC) en il sectur dals edifizis. Da preschent vegn concludida l'evaluaziun da la consultaziun.

Las basas giuridicas vegnan actualmain adattadas en numerus chantuns al MoPEC 2014. Il chantun Grischun è entrà en contact cun las persunas spezialisadas dals auters chantuns sco er cun la conferenza dals directurs chantunals d'energia (CDEn). Las enconuschientschas da quest barat tranter ils chantuns vegnan resguardadas – ultra dals resultats da l'evaluaziun da la consultaziun – per elavurar il sboz per la revisiun parziala da la lescha d'energia dal chantun Grischun. Il departament da construcziun, traffic e selvicultura ha l'intenziun da suttametter previsiblamain fin l'atun 2019 in sboz da la missiva a la regenza.


Infurmaziuns:
- president da la regenza dr. Mario Cavigelli, schef dal departament da construcziun, traffic e selvicultura, tel. 081 257 36 01, e-mail Mario.Cavigelli@bvfd.gr.ch
- Erich Büsser, manader da l'uffizi d'energia e da traffic, tel. 081 257 36 21, e-mail Erich.Buesser@aev.gr.ch


Gremi: departament da construcziun, traffic e selvicultura
Funtauna: rg departament da construcziun, traffic e selvicultura
Neuer Artikel