Sin il territori communal da Glion èn vegnids observads trais lufs giuvens. Cun gronda probabilitad sa tracti d'animals giuvens dal triep da lufs ch'è activ en il territori dal Piz Bargias / Crap Sogn Gion / Pass da Pigniu. Quest triep ha survegnì per la segunda giada pitschens.

L'onn passà èn cumparids ils emprims lufs giuvens dal triep numnà. L'atun 2018 èn trais lufs giuvens crudads giu d'ina paraid-crap en la vischinanza da Trin. L'analisa da quests animals ha mussà ch'els n'appartegnevan betg al triep dal Calanda. Quest triep, ch'era lura sa furmà da nov, era activ cunzunt en il territori dal Piz Bargias. Ussa s'orienteschan ils lufs pli e pli fitg vers vest.

Fotografia:

Infurmaziuns:
Adrian Arquint, manader da l'uffizi da chatscha e pestga, tel. 081 257 38 92, e-mail Adrian.Arquint@ajf.gr.ch


Gremi: uffizi da chatscha e pestga
Funtauna: rg uffizi da chatscha e pestga