Navigation

Inhaltsbereich

  • Erste Mitteilung
  • Neuen Beitrag einfügen
En il Poschiavino a Brusio èn vegnids chattads la gievgia, ils 8 d'avust, ed il venderdi, ils 9 d'avust, tut en tut 97 peschs morts. In pestgader ha rendì attent la surveglianza da pestga da l'uffizi da chatscha e pestga dal Grischun als animals morts.

Ils animals crappads èn vegnids chattads en il Poschiavino tranter l'affluent da la serenera da Brusio ed il cunfin cun l'Italia sin ina lunghezza da var 1 kilometer. La polizia chantunala dal Grischun ha manà las retschertgas al lieu ed ha fatg ina denunzia cunter nunenconuschent. La raschun per la muria dals peschs n'è anc betg enconuschenta. In connex cun la serenera da Brusio na po betg vegnir exclus. L'uffizi per la natira e l'ambient è medemamain vegnì infurmà davart ils fatgs. Las autoritads cumpetentas da l'Italia n'han chattà nagins ulteriurs peschs morts.

-

-


Infurmaziuns:
dr. Marcel Michel, biolog da pestga, uffizi da chatscha e pestga dal Grischun, tel. 081 257 38 92, e-mail Marcel.Michel@ajf.gr.ch


Gremi: uffizi da chatscha e pestga
Funtauna: rg uffizi da chatscha e pestga
Neuer Artikel