Zum Seiteninhalt

Observà in ulteriur triep da lufs en il chantun Grischun

  • Erste Mitteilung
  • Neuen Beitrag einfügen
Sin il territori communal da Sursaissa Mundaun èn vegnids observads trais lufs giuvens. I dastgass sa tractar d'animals giuvens d'in triep da lufs che n'era betg enconuschent fin ussa. L'observaziun è vegnida fatga la fin d'emna passada d'in chatschader, che ha lura fatg in'annunzia a la surveglianza da chatscha da l'uffizi da chatscha e pestga dal Grischun.

Ensemen cun ils trais animals giuvens ha il chatschader vesì dus animals creschids. L'intschess da quest nov triep da lufs dastgass cumpigliar il territori dal Piz Mundaun fin al Piz Nadels e las vals circumdantas. Fin ussa n'ha l'observaziun betg pudì vegnir confermada uffizialmain. Er n'èn avant maun fin ussa naginas cumprovas dal DNA e nagins mussaments fotografics. Cun questa nova rotscha giuvna pussaivla èn quai ussa quatter trieps da lufs che vivan per gronda part sin territori grischun.


Infurmaziuns:
Adrian Arquint, manader da l'uffizi da chatscha e pestga, tel. 081 257 38 92, e-mail Adrian.Arquint@ajf.gr.ch


Gremi: uffizi da chatscha e pestga
Funtauna: rg uffizi da chatscha e pestga
Neuer Artikel