Navigaziun principala

Cuntegn da la pagina

Decisiun dal tribunal federal davart la procedura per las elecziuns dal cussegl grond

  • Erste Mitteilung
  • Neuen Beitrag einfügen
La procedura da maiorz per las elecziuns dal cussegl grond en il chantun Grischun correspunda per gronda part a la constituziun, dentant betg en tuts reguards.

La regenza vegn ad analisar pli detagliadamain la decisiun dal tribunal federal ch'è entrada ils 20 d'avust 2019. Lura vegn ella a fixar l'ulteriur proceder. Cler è dentant gia oz che la decisiun pretenda in'adattaziun dal sistem electoral actual per las proximas elecziuns da renovaziun totala l'onn 2022. En tge dimensiun ed en tge direcziun sto vegnir examinà pli detagliadamain. Davart l'adattaziun dal sistem electoral ston decider il cussegl grond e la finala il pievel, perquai ch'i vegn er ad esser necessari d'adattar la constituziun chantunala per quest intent.


Infurmaziuns:
Daniel Spadin, chancelier, chanzlia chantunala, tel. 081 257 22 21, e-mail Daniel.Spadin@staka.gr.ch


Gremi: chanzlia chantunala
Funtauna: rg chanzlia chantunala
Neuer Artikel