Navigaziun principala

Cuntegn da la pagina

Il consul general franzos visita la regenza grischuna

  • Erste Mitteilung
  • Neuen Beitrag einfügen
Sin invit da la regenza ha il consul general da la Frantscha, Alain Sterbik, visità oz il chantun Grischun.

Il consul general franzos, Alain Sterbik, è vegnì beneventà oz en il chastè da Haldenstein dal president da la regenza Jon Domenic Parolini e dal chancelier Daniel Spadin. Suenter il barat dals salids uffizials è in gentar cuminaivel stà sin il program.

La regenza grischuna tgira annualmain contacts cun represchentantas e represchentants da stadis esters en Svizra. Ils discurs èn elements impurtants da las relaziuns externas dal chantun. Cun ils stadis vischins e cun ils pajais che han relaziuns spezialas cun la Svizra e cun il Grischun vegnan discutadas savens dumondas specificas actualas. Autras visitas servan en emprima lingia a barattar experientschas sin il champ cultural, economic e politic.

Fotografia agiuntada:
-

Il president da la regenza Jon Domenic Parolini (a sanestra) ed il chancelier Daniel Spadin (a dretga) retschaivan il consul general Alain Sterbik en il chastè da Haldenstein.


Gremi: regenza
Funtauna: rg chanzlia chantunala
Neuer Artikel