Navigaziun principala

Cuntegn da la pagina

L'ambassadur da la Georgia sin visita tar la Regenza grischuna

  • Erste Mitteilung
  • Neuen Beitrag einfügen

Sin invit da la Regenza ha l'ambassadur georgian, David Jalagania, visità oz il chantun Grischun.

L'ambassadur georgian David Jalagania è vegnì beneventà oz en la Chasa grischa a Cuira dal president da la Regenza Christian Rathgeb e dal chancelier Daniel Spadin. L'ambassadur è vegnì accumpagnà da ses emprim cussegliader Irakli Khutsurauli. Suenter il barat dals salids uffizials è in gentar cuminaivel stà sin il program.

La Regenza grischuna tgira annualmain contacts cun represchentantas e represchentants da stadis esters en Svizra. Ils discurs èn elements impurtants da las relaziuns externas dal chantun. Cun ils stadis vischins e cun ils pajais che han relaziuns spezialas cun la Svizra e cun il Grischun vegnan discutadas savens dumondas specificas actualas. Autras visitas servan en emprima lingia a barattar experientschas sin il champ cultural, economic e politic.


Fotografia agiuntada:

-
Davant da sanestra: emprim cussegliader da l'ambassadur Irakli Khutsurauli e chancelier Daniel Spadin
Davos da sanestra: ambassadur David Jalagania e president da la Regenza Christian Rathgeb 


Gremi: Regenza
Funtauna: rg Chanzlia chantunala dal Grischun

Neuer Artikel