Navigaziun principala

Cuntegn da la pagina

Communicaziun da la Regenza dal 1. d'avrigl 2020

  • Erste Mitteilung
  • Neuen Beitrag einfügen
La Regenza ha concludì da sistir ils termins per las iniziativas ed ils referendums sin plaun chantunal e communal, en las corporaziuns da vischnancas ed en las regiuns.

Sistida dals termins per las iniziativas ed ils referendums

La Regenza ha decretà in'Ordinaziun davart la sistida dals termins per las iniziativas dal pievel ed ils referendums sin plaun chantunal e communal, en las corporaziuns da vischnancas ed en las regiuns.
Pervia da la derasaziun dal coronavirus ha il Cussegl federal decretà ils 20 da mars 2020 l'Ordinaziundavart la sistida dals termins per las iniziativas federalas dal pievel ed ilsreferendums federals. La restricziun dals dretgs dal pievel pervia da las mesiras concernent COVID-19 pertutga er il chantun sco er las vischnancas, las corporaziuns da vischnancas e las regiuns. I para perquai raschunaivel da prevair ina regulaziun unitara en chaussa, sco che er gia auters chantuns han fatg en il fratemp. Quai duai vegnir garantì cun l'Ordinaziun davart la sistida dals termins per las iniziativas dal pievel ed ils referendums sin plaun chantunal e communal, en las corporaziuns da vischnancas ed en las regiuns. L'ordinaziun vala sco l'ordinaziun federala ad interim fin ils 31 da matg 2020. L'ordinaziun sa referescha per l'ina a termins currents d'iniziativas e da referendums. Projects da referendum ch'èn incontestads duain tuttina pudair entrar en vigur. Perquai vegnan ils termins sistids mo, sch'i vegn inoltrada in'annunzia correspundenta en scrit a la Chanzlia chantunala respectivamain als posts cumpetents (vischnancas, corporaziuns da vischnancas, regiuns). Per l'autra vala la regulaziun er per eventuals projects che vegnan concludids suenter l'entrada en vigur da l'ordinaziun e ch'èn suttamess al referendum.

Ordinaziun chantunala davart la sistida dals termins

La Regenza ha decretà in'Ordinaziun davart la sistida dals termins per las iniziativas dal pievel ed ils referendums sin plaun chantunal e communal, en las corporaziuns da vischnancas ed en las regiuns.

Neuer Artikel
Gremi: Regenza
Funtauna: rg Chanzlia chantunala dal Grischun