Navigaziun principala

Cuntegn da la pagina

Retratga dal nov center administrativ "sinergia"

  • Erste Mitteilung
  • Neuen Beitrag einfügen

Las lavurs da construcziun per il nov center administrativ "sinergia" a Cuira èn terminadas dapi l'avrigl 2020. Suenter in lung temp da spetga pervia dal lockdown po la midada en il nov edifizi administrativ finalmain vegnir realisada. Las preparaziuns per la retratga tras passa 400 collavuraturas e collavuraturs da l'administraziun chantunala èn terminadas. Ussa hai num: pachetar chistas e midar chasa. Cun l'entrada en funcziun da l'edifizi nov a la Ringstrasse è terminada l'emprima etappa da "sinergia".

Tut en tut 14 unitads d'organisaziun (dus departaments e 12 posts da servetsch) vegnan a sa chasar en il nov edifizi administrativ "sinergia". Las var 400 plazzas da lavur èn vegnidas realisadas per gronda part cun structuras spazialas avertas (open space, multi space) tenor las enconuschientschas las pli novas areguard l'acustica, areguard l'utilisaziun dal cler dal di ed areguard l'igiena da lavur. Ils standards da l'ecologia e da la persistenza èn vegnids realisads e certifitgads sin il nivel il pli aut e gidan a porscher ina buna basa per in manaschi irreproschabel e segir. Cumplettads vegnan ils secturs dals biros cun zonas d'inscunter, cun locals centrals e cun zonas da servetsch. L'organisaziun dal plan orizontal ed il palantschieu dubel permettan ina gronda flexibilitad spaziala, per pudair satisfar en il futur er a basegns eventualmain midads. Las tecnologias d'infurmaziun modernas pon da tut temp vegnir adattadas al stadi actual da la tecnica. Ils vehichels dals posts da servetsch vegnan remplazzads tras in pool da vehichels che vegn a cuntegnair tant sco pussaivel vehichels electrics.

La strategia chantunala d'immobiglias promova centers regiunals ferms
La realisaziun da l'edifizi administrativ "sinergia" a Cuira fa part da la strategia chantunala d'immobiglias. Quella prevesa da constituir totalmain 9 centers regiunals repartids sin l'entir chantun. Tras la concentraziun e tras standards moderns per las localitads èsi pussaivel d'augmentar il niz per la clientella e da reducir en moda duraivla las surfatschas ed ils custs. A Glion, Roveredo, Tusaun, Tavau, Scuol e Landquart ha il chantun gia reunì cun success l'administraziun. Ulteriurs centers administrativs vegnan realisads a Samedan ed a Puschlav. 

Midada da chasa
Il temp da construcziun ha durà stgars 3 onns. Suenter avair terminà ils tests integrals e suenter avair fatg las collaudaziuns era l'edifizi nov dal center administrativ "sinergia" pront punctualmain per al retrair. Pervia da la pandemia COVID-19 e pervia dal lockdown decretà è la midada da chasa vegnida spustada dals 30 da mars sin suenter las vacanzas da stad ils 19 d'avust 2020. La retratga dura tut en tut 5 emnas. A partir dals termins che figureschan qua sutvart, èn ils singuls departaments e posts da servetsch cuntanschibels al nov lieu, Ringstrasse 10, 7001 Cuira. Ils numers da telefon na sa midan betg.

Il cumenzament da november 2020 èsi previs d'organisar in di da las portas avertas, durant il qual la populaziun survegn ina invista dal nov edifizi administrativ e da las activitads dals posts da servetsch. La festa d'avertura uffiziala ha lieu ils 4 da november 2020.

Fotografias agiuntadas:

Foto Sitzungsraum sinergia
Foto 2, Foto 3

 

Infurmaziuns: 
- cusseglier guvernativ dr. Mario Cavigelli, schef dal Departament d'infrastructura, energia e mobilitad, tel. +41 81 257 36 01, e-mail Mario.Cavigelli@diem.gr.ch 
- Markus Dünner, architect chantunal, Uffizi da construcziun auta, tel. +41 81 257 36 31, e-mail Markus.Duenner@hba.gr.ch 


Gremi: Uffizi da construcziun auta
Funtauna: rg Uffizi da construcziun auta

Neuer Artikel