Navigation

Inhaltsbereich

  • Erste Mitteilung
  • Neuen Beitrag einfügen
La Regenza ha approvà il concept per elavurar novs meds d'instrucziun en surmiran. Ultra da quai ha ella approvà la planisaziun d'ina via da velo da muntogna nuninterrutta a Tavau.

Novs meds d'instrucziun da matematica per il stgalim primar en surmiran

Las vischnancas dad Alvra, Lantsch e Surses vegnan a reintroducir il surmiran en la scola populara a partir da l'onn da scola 2021/22. Ellas vegnan a midar davent da la 1. classa dal stgalim primar successivamain onn da scola per onn da scola dal rumantsch grischun enavos al surmiran. Per quest intent ston tranter auter vegnir mess a disposiziun novs meds d'instrucziun da matematica.
La Regenza ha ussa approvà il concept per elavurar la retscha da meds d'instrucziun "Matematica stgalim primar" ed ha autorisà l'Uffizi per la scola populara ed il sport (USS) da surdar las incaricas correspundentas. Fin l'avust 2026 duain ils meds d'instrucziun da la Chasa editura per meds d'instrucziun da Turitg vegnir translatads ed edids en surmiran per las sis classas dal stgalim primar.

6 Bücher der Lehrmittelreihe

Med d'instrucziun per matematica en rumantsch grischun

Las vischnancas dad Alvra, Lantsch e Surses vegnan a reintroducir il surmiran en la scola populara a partir da l'onn da scola 2021/22. 

Glisch verda per ina via da velo da muntogna nuninterrutta a Tavau

La Regenza ha approvà la revisiun parziala da la planisaziun locala che la vischnanca da Tavau aveva concludì ils 28 da matg 2020. L'impuls per la revisiun è vegnì da la realisaziun planisada d'ina via da velo da muntogna nuninterrutta da la Ischalp fin al Bolgen Plaza en vischinanza da la staziun da val da la teleferica Jakobshorn. La part da mez da la via da velo da muntogna vegn duvrada gia oz e suonda per gronda part vias da guaud existentas. Betg anc realisà è l'emprim traject curt davent da la staziun da mez Ischalp fin a l'entrada actuala en il singletrail ch'exista gia. Er la part giusum che duai manar las bikras ed ils bikers en il futur dal Bolgenwald sur in flowtrail directamain en il territori Bolgen Plaza, n'exista anc betg ed è ina part integrala da la revisiun parziala.

Luftbild von Davos mit eingezeichnetem Mountainbikeweg

© Comet Photoshopping ScRL / Dieter Enz

La Regenza ha approvà la revisiun parziala da la planisaziun locala che la vischnanca da Tavau aveva concludì ils 28 da matg 2020.

Neuer Artikel
Gremi: Regenza
Funtauna: rg Chanzlia chantunala dal Grischun