Durant la notg dals 20 als 21 da settember 2020 han lufs stgarpà in asen sin l'alp Durnan sur Andeer. Il lieu, nua che l'animal da niz mort è vegnì chattà, è situà en il territori da chatscha dal triep dal Beverin.

Tar questa stgarpada sa tracti da l'emprim cas en il chantun Grischun, nua ch'in animal da niz da la famiglia dals chavals è vegnì mazzà d'in u da plirs lufs. L'asen da 32 onns sa chattava – ensemen cun trais auters asens – en in areal protegì d'ina saiv. L'animal mazzà è vegnì maglià fermamain dals lufs.  

Infurmaziuns:
dr. Adrian Arquint, manader da l'Uffizi da chatscha e pestga dal Grischun, tel. +41 81 257 38 92, e-mail Adrian.Arquint@ajf.gr.ch

Gremi: Uffizi da chatscha e pestga
Funtauna: rg Uffizi da chatscha e pestga