Navigaziun principala

Cuntegn da la pagina

Nov manader da l'Uffizi per il traffic sin via

  • Erste Mitteilung
  • Neuen Beitrag einfügen

La Regenza ha nominà Claudio Reich sco nov manader da l'Uffizi per il traffic sin via. El vegn a surpigliar questa funcziun il 1. da zercladur 2021.

La Regenza ha nominà Claudio Reich sco nov manader da l'Uffizi per il traffic sin via. Claudio Reich ha 52 onns e daventa successur da Gian‑Franco Donati che va en pensiun suenter avair manà l'uffizi durant blers onns.

Claudio Reich è econom da manaschi diplomà SSS (Scola auta spezialisada dal Grischun) e dispona d'in Executive Master of Business Administration SAS (Scola auta spezialisada dal Grischun) sco er d'in Certificate of Advanced Studies en Public Administration da l'Universitad da Berna. Suenter in'activitad da plirs onns en posiziuns da cader en l'economia privata ha el midà l'onn 1994 tar l'Uffizi per il traffic sin via. Là è el dapi l'onn 2002 manader da partiziun.

L'Uffizi per il traffic sin via furnescha numerus servetschs. El è responsabel per l'admissiun da vehichels, da manischunzas e manischunzs sco er da bastiments al traffic, per la controlla periodica da vehichels e da bastiments, per la pronunzia da mesiras administrativas cunter manischunzas e manischunzs fallibels sco er per l'imposiziun e per l'incassament da las taglias da traffic. En quest connex ha Claudio Reich l'incumbensa da manar circa 70 collavuraturas e collavuraturs.

Fotografia agiuntada:

Porträt von Claudio Reich

 

Infurmaziuns:
cusseglier guvernativ Peter Peyer, schef dal Departament da giustia, segirezza e sanadad, tel. +41 81 257 25 01, e‑mail Peter.Peyer@djsg.gr.ch


Gremi: Regenza
Funtauna: rg Departament da giustia, segirezza e sanadad

Neuer Artikel