Navigaziun principala

Cuntegn da la pagina

Post da stab per l'egualitad da las schanzas sut nova direcziun

  • Erste Mitteilung
  • Neuen Beitrag einfügen

Barbara Wülser è la nova manadra dal Post da stab per l'egualitad da las schanzas. A partir dal favrer 2021 vegn ella ad esser responsabla per la direcziun dal Post da stab en il Grischun.

Il Departament d'educaziun, cultura e protecziun da l'ambient ha elegì Barbara Wülser sco nova manadra dal Post da stab per l'egualitad da las schanzas. Barbara Wülser ha 51 onns e vegn a cumenzar sia plazza il 1. da favrer 2021. La schurnalista bain scolada ha fatg scolaziuns supplementaras en communicaziun ed en direcziun ed ha ina lunga experientscha en quests secturs. Dapi passa 10 onns è ella engaschada tar la Cumissiun internaziunala per la protecziun da las Alps (CIPRA), l'ultim sco co-manadra da gestiun. Barbara Wülser surpiglia la direcziun da Tamara Gianera, che sa deditgescha ad ina nova sfida professiunala.

Sco manadra dal Post da stab per l'egualitad da las schanzas surpiglia Barbara Wülser la direcziun da quest center da cumpetenza impurtant dal chantun Grischun. Il Post da stab per l'egualitad da las schanzas è responsabel per promover, per realisar e per garantir l'egualitad da dunna ed um e l'egualitad da las schanzas en tut ils secturs da la vita. La manadra lavura ultra da quai en moda interdisciplinara e tgira ina stretga collavuraziun tematica cun differentas organisaziuns e persunas singulas. Ella è plinavant responsabla per sviluppar e per realisar projects d'egualitad. Quai permetta al Post da stab da lavurar en moda effizienta e professiunala a favur da l'egualitad da las schanzas. Barbara Wülser surpiglia la direcziun dal Post da stab cun in pensum parzial da 60 pertschient.

Fotografias:

Neue Leiterin der Stabsstelle für Chancengleichheit, Barbara Wülser
Fotografia en format vertical

 

Infurmaziuns
cusseglier guvernativ dr. Jon Domenic Parolini, schef dal Departament d'educaziun, cultura e protecziun da l'ambient, tel. +41 81 257 27 02, e-mail Jondomenic.Parolini@ekud.gr.ch


Gremi: Departament d'educaziun, cultura e protecziun da l'ambient
Funtauna: rg Departament d'educaziun, cultura e protecziun da l'ambient

Neuer Artikel