Navigaziun principala

Cuntegn da la pagina

Sessiun da favrer 2021 dal Cussegl grond

  • Erste Mitteilung
  • Neuen Beitrag einfügen

Sin basa da la situaziun actuala pervia da COVID-19 vegn il Cussegl grond puspè a sa radunar en il Center da congress a Tavau.

En sia ultima sesida en il rom da las preparaziuns da la sessiun da favrer 2021 ha la Conferenza da las presidentas e dals presidents dal Cussegl grond puspè stuì sa fatschentar cun la situaziun actuala en connex cun la pandemia da COVID-19 ed examinar las cundiziuns generalas respectivas per il manaschi parlamentar. En quest connex ha ella prendì enconuschientscha dal fatg che la situaziun n'è betg sa midada dapi la sessiun da december 2020 che ha – per observar las mesiras da protecziun prescrittas da la lescha e per motivs da plazza – gì lieu en il Center da congress a Tavau. Correspundentamain ha la Conferenza da las presidentas e dals presidents decidì da sa radunar puspè a Tavau.

Bleras fatschentas per la sessiun da 4 dis
La sessiun da favrer 2021 dura 4 dis, dals 15 fin ils 18 da favrer 2021. La fatschenta principala furma la missiva da la Regenza per in nov sistem electoral per il Cussegl grond. Quel sistem sto vegnir midà, suenter ch'il Tribunal federal ha designà il sistem electoral da maiorz che vegniva applitgà en ils 39 circuls istorics sco betg pli confurm a la Constituziun. Ultra da quai stattan sin la glista da tractandas duas iniziativas – reducziun dal Cussegl grond ed ina chatscha etica che sa cumporta cun la natira – sco er las revisiuns parzialas dal dretg da la protecziun d'uffants e da creschids e da la Lescha davart l'organisaziun giudiziala. La finala vegn il Cussegl grond er anc a sa fatschentar cun COVID-19 ed a tractar 10 intervenziuns.

 

Infurmaziuns:
president dal Cussegl grond Martin Wieland, tel. +41 79 799 61 15

Gremi: Chanzlia chantunala
Funtauna: rg Chanzlia chantunala

Neuer Artikel