L'Uffizi da sanadad ha survegnì ils resultats dals tests da finiziun da la scola da Malans. Ils cas ch'èn vegnids registrads da nov sa restrenschan a las famiglias ch'èn gia pertutgadas. Ordaifer questas famiglias n'èn vegnids vitiers nagins ulteriurs cas positivs da COVID-19. Quai mussa: l'isolaziun e la quarantina èn – ultra da las mesiras d'igiena e da distanza – vinavant las mesiras essenzialas per franar la pandemia. La mesemna vegn l'instrucziun en la scola da Malans puspè cumenzada en la furma regulara. Fin almain ils 9 da settember 2021, la data dals tests regulars en la scola da l'emna proxima, vala a la scola da Malans in'obligaziun da purtar ina mascrina.

Pervia dal dumber da cas che s'augmenta fermamain en la populaziun totala, stoi vegnir fatg quint cun dapli cas da COVID-19 er en las scolas. Las mesiras necessarias vegnan relaschadas da l'Uffizi da sanadad en collavuraziun cun las autoritads da scola, e quai en dependenza da la situaziun. Pervia da la situaziun epidemiologica malsegira appellescha l'Uffizi da sanadad, da sa laschar testar immediatamain, sche sintoms sa mussan e da realisar consequentamain las reglas da distanza e d'igiena (purtar la mascrina).

A Malans èn vegnids testads tut las scolaras, tut ils scolars e tut las persunas d'instrucziun (230 persunas), suenter che blers cas eran vegnids constatads l'emna passada en ils conturns da la scola da Malans. Tut en tut èn vegnids cumprovads dals differents tests 63 cas positivs da COVID-19.

Infurmaziuns:

Post da communicaziun per il coronavirus dal chantun Grischun, e-mail kfsmedien@amz.gr.ch, tel. +41 79 716 22 95 (exclusivamain per collavuraturas e collavuraturs da las medias).

Responsabladad: Uffizi da sanadad