Navigation

Inhaltsbereich

  • Erste Mitteilung
  • Neuen Beitrag einfügen

Per la 15avla giada ha gì lieu ils 7 da december 2021 la scuntrada da l'Uniun da las anteriuras presidentas e dals anteriurs presidents dal Cussegl grond. A l'invitaziun da visitar la sesida dal Cussegl grond sco er al gentar cuminaivel han dà suatientscha bleras da las anteriuras pli autas Grischunas e blers dals anteriurs pli auts Grischuns.

La scuntrada da l'Uniun da las anteriuras presidentas e dals anteriurs presidents dal Cussegl grond ha lieu mintga 2 onns. L'onn 2020 ha ella però stuì vegnir spustada per 1 onn, pervia dal coronavirus. Sco usità èn stads er quest onn sin il program in termin per far fotografias e la visita da la sesida dal Cussegl grond. Suenter ha gì lieu in gentar cuminaivel cun la presidenta dal Cussegl grond en uffizi Aita Zanetti, cun il president da la Regenza Mario Cavigelli sco er cun ulteriuras politicras ed ulteriurs politichers dal Grischun. Quest gentar ha pussibilità blers discurs interessants.

Fotografia agiuntada:

Gruppenbild alt Standespräsidentinnen und -präsidenten

©Livia Mauerhofer / Südostschweiz

Infurmaziuns:

Ueli Bleiker, president da l'Uniun dals anteriurs presidis dal Cussegl grond, tel. +41 79 268 44 27


Responsabladad: Secretariat dal Cussegl grond

Neuer Artikel