Navigation

Inhaltsbereich

  • Erste Mitteilung
  • Neuen Beitrag einfügen

Sin invit da la Regenza ha l'ambassadur franzos Frédéric Journès visità oz il chantun Grischun.

L'ambassadur franzos Frédéric Journès è vegnì beneventà oz en la Chasa grischa a Cuira dal president da la Regenza Marcus Caduff e dal chancelier Daniel Spadin. L'ambassadur è vegnì accumpagnà dal consul general Alain Sterbik e da l'emprima secretaria da l'ambassada Grenadine Révérand. Suenter il barat dals salids uffizials è in gentar cuminaivel stà sin il program.

La Regenza grischuna tgira annualmain contacts cun represchentantas e represchentants da stadis esters en Svizra. Ils discurs èn elements impurtants da las relaziuns externas dal chantun. Cun ils stadis vischins e cun ils pajais che han relaziuns spezialas cun la Svizra e cun il Grischun vegnan discutadas savens dumondas specificas actualas. Autras visitas servan en emprima lingia a barattar experientschas sin il champ cultural, economic e politic.  

Fotografia agiuntada:

Foto Besuch Botschafter Frankreich
Da sanestra: Chancelier Daniel Spadin, consul general Alain Sterbik, president da la Regenza Marcus Caduff, ambassadur Frédéric Journès e secretaria da l'ambassada Grenadine Révérand

Infurmaziuns:

president da la Regenza Marcus Caduff, schef dal Departament d'economia publica e fatgs socials, tel. +41 81 257 23 01, e‑mail Marcus.Caduff@dvs.gr.ch


Responsabladad: Regenza

Neuer Artikel