Navigation

Inhaltsbereich

  • Erste Mitteilung
  • Neuen Beitrag einfügen

Ils resultats da las analisas geneticas da l'ibrid supponì, ch'è vegnì sajettà la fin da mars, èn ussa avant maun. Il suspect d'ibridisaziun ha pudì vegnir cumprovà geneticamain.

L'analisa genetica dal luf ibrid supponì, ch'è vegnì sajettà la fin da mars, ha cumprovà ch'i sa tracta tar quest animal da colur spezialmain clera d'in descendent d'ina cruschada da luf e chaun. Las analisas dal Laboratori da biologia da la conservaziun a Losanna sco er dal Center Senckenberg per la genetica da selvaschina a Gelnhausen han demussà, ch'i sa tracta d'in animal da la segunda generaziun da cruschada. Tenor l'Ordinaziun federala da chatscha ston animals da questa generaziun vegnir allontanads da la populaziun.

Avant che l'animal era vegnì sajettà, era el dà en egl pervia da sia coluraziun marcantamain clera. Probablamain era el viandà sur l'Italia dal Nord ed il Tessin en il chantun Grischun. La cumpart da luf en ils gens da l'ibrid deriva da la populaziun alpina taliana. La derivanza precisa da l'animal n'è dentant betg enconuschenta. I na dat nagins auters indizis davart la preschientscha d'ulteriurs ibrids en il chantun.

Infurmaziuns:

Arno Puorger, collavuratur academic, ressort Animals da rapina gronds, Uffizi da chatscha e pestga, tel. +41 81 257 87 67 (cuntanschibel fin las 12.00), e‑mail Arno.Puorger@ajf.gr.ch


Responsabladad: Uffizi da chatscha e pestga  

Neuer Artikel