Ils ultims dis è vegnì tramess il material da votar per las votaziuns dals 25 da settember 2022. A partir d'immediat pon las votantas ed ils votants dal Grischun votar gratuitamain per correspundenza er sin via postala.
La Regenza ha mess en vigur la revisiun parziala da la Lescha davart ils dretgs politics (votaziun per correspundenza senza custs da porto) per il 1. da zercladur 2022. Tras questas midadas vegn la votaziun per correspundenza sin via postala ad esser gratuita per las votantas ed ils votants a partir dal termin da votaziun dals 25 da settember 2022. Il chantun surpiglia ils custs da porto che resultan tras quai per las votaziuns respectivamain elecziuns federalas, chantunalas e communalas.
La votaziun per correspundenza sin via postala è pia ina pussaivladad supplementara per votar gratuitamain, ultra da la votaziun a l'urna, ultra da la votaziun anticipada tar in post designà da la vischnanca sco er ultra da la votaziun per correspundenza cun metter la cuverta en la chascha da brevs communala.
Tut las ulteriuras infurmaziuns davart las votaziuns e davart las elecziuns en il chantun Grischun chattais Vus sin la pagina d'internet da la Chanzlia chantunala.
Infurmaziuns:
Claudia Hartmann Lütscher, vicechanceliera, Chanzlia chantunala dal Grischun, tel. +41 81 257 22 22, e‑mail
Claudia.Hartmann@staka.gr.ch
Responsabladad: Chanzlia chantunala