L'ambassadura da la Republica da la Pologna, Iwona Kozlowska, ha visità oz – sin invit da la Regenza – il chantun Grischun.

L'ambassadura polonaisa Iwona Kozlowska è vegnida beneventada oz en la Chasa grischa a Cuira dal president da la Regenza Peter Peyer e dal chancelier Daniel Spadin. Suenter il barat dals salids uffizials è in gentar cuminaivel stà sin il program.

La Regenza grischuna tgira annualmain contacts cun represchentantas e represchentants da stadis esters en Svizra. Ils discurs èn elements impurtants da las relaziuns externas dal chantun. Cun ils stadis vischins e cun ils pajais che han relaziuns spezialas cun la Svizra e cun il Grischun vegnan discutadas savens dumondas specificas actualas. Autras visitas servan en emprima lingia a barattar experientschas sin il champ cultural, economic e politic.

Fotografia agiuntada:

Da sanestra: Il president da la Regenza Peter Peyer, l'ambassadura Iwona Kozlowska ed il chancelier Daniel Spadin.

Responsabladad: Regenza