Cun levgiament prenda la Regenza enconuschientscha dal fatg che l'evacuaziun da Brinzauls è reussida. Ella engrazia a la populaziun, al Stab directiv communal ed a tut las persunas participadas per il bun proceder. La Regenza vegn a persequitar intensivamain la situaziun fitg pretensiusa er durant ils dis vegnints.

Las bunas lavurs preparatoricas èn sa cumprovadas per il cas serius. Che la «fasa cotschna» cun in scumond d'entrar en il vitg da Brinzauls vala a partir dal venderdi saira, mussa che l'ordinaziun da l'evacuaziun è stada adequata e correcta. La Regenza è conscienta da l'impurtanza da las decisiuns per la populaziun pertutgada ed exprima sia solidaritad envers la populaziun da Brinzauls durant quest temp difficil. Ils proxims dis e las emnas vegnintas restan pretensiusas e premettan vinavant da tut las persunas participadas ina gronda flexibilitad per pudair reagir er a curta vista sin ils eveniments. Grazia a las forzas d'acziun ed a las persunas spezialisadas al lieu è la Regenza orientada da tut temp davart il svilup actual.

Infurmaziuns:

President da la Regenza Peter Peyer, schef dal Departament da giustia, segirezza e sanadad, tel. +41 79 629 00 85

Responsabladad: Regenza