Per las elecziuns dal Cussegl naziunal dals 22 d'october 2023 èn vegnidas inoltradas 3 colliaziuns da glistas en il chantun Grischun. Oz ha la Regenza prendì enconuschientscha da quest fatg.

Ina survista detagliada inclusiv ils nums da las singulas candidatas e dals singuls candidats sco er las colliaziuns da glistas pon vegnir consultadas sin la pagina d'internet dal chantun Grischun.

Colliaziuns per meglierar las schanzas da vegnir elegì
Cun las colliaziuns e sutcolliaziuns da glistas augmentan las partidas e las gruppaziuns politicas lur schanzas da vegnir elegidas. Il video da la Chanzlia chantunala declera en ina furma simplifitgada, tge influenza che las colliaziuns da glistas pon avair sin il resultat da las elecziuns.

Infurmaziuns:

Claudia Hartmann Lütscher, vicechanceliera, Chanzlia chantunala dal Grischun, tel. +41 81 257 22 22 (cuntanschibla da las 14.00 fin las 15.00), e‑mail Claudia.Hartmann@staka.gr.ch

Responsabladad: Regenza