La Regenza dat glisch verda per sviluppar vinavant l'areal da la staziun da Schiers. Plinavant metta ella en vigur la revisiun da la Lescha davart l'assicuranza da malsauns e la reducziun da las premias sin il 1. da schaner 2024.
Glisch verda per sviluppar vinavant l'areal da la staziun da Schiers
La Regenza ha approvà la revisiun parziala da la planisaziun locala che la vischnanca da Schiers aveva concludì ils 23 da zercladur 2023. Uschia vegnan stgaffidas las premissas planisatoricas per sviluppar vinavant e per render pli attractiv l'areal da la staziun da Schiers sco punct central impurtant dal traffic public e sco carta da visita da la vischnanca.
En l'avegnir duain esser pussaivlas utilisaziuns che na fissan betg admissiblas en la zona actuala per edifizis e per stabiliments publics (ZESP). Previsas èn en spezial er utilisaziuns per intents d'abitar. Per quest intent duai ina surfatscha da circa 2068 meters quadrat vegnir transferida da la ZESP a la nova zona centrala «Staziun».
© swisstopo
La Regenza ha approvà la revisiun parziala da la planisaziun locala che la vischnanca da Schiers aveva concludì ils 23 da zercladur 2023. Uschia vegnan stgaffidas las premissas planisatoricas per sviluppar vinavant e per render pli attractiv l'areal da la staziun da Schiers sco punct central impurtant dal traffic public e sco carta da visita da la vischnanca.
Entrada en vigur da la Lescha davart l'assicuranza da malsauns e la reducziun da las premias
Sin il 1. da schaner 2024 metta la Regenza en vigur la revisiun parziala da la Lescha davart l'assicuranza da malsauns e la reducziun da las premias.
Tras las midadas è da nov l'Uffizi da sanadad responsabel per la procedura d'admissiun e per la surveglianza dals furniturs da prestaziuns a quint da l'assicuranza obligatorica per la tgira da malsauns en il chantun.
Sin il 1. da schaner 2024 metta la Regenza en vigur la revisiun parziala da la Lescha davart l'assicuranza da malsauns e la reducziun da las premias.
