Sin invit da la Regenza ha l'ambassadur britannic James Squire visità oz il chantun Grischun.

L'ambassadur James Squire è vegnì beneventà oz en la Chasa grischa a Cuira dal president da la Regenza Peter Peyer e dal chancelier Daniel Spadin. L'ambassadur è vegnì accumpagnà da Jakub Novak, il manader da la partiziun Investiziuns. Suenter il barat dals salids uffizials è in gentar cuminaivel stà sin il program.

La Regenza grischuna tgira annualmain contacts cun represchentantas e represchentants da stadis esters en Svizra. Ils discurs èn elements impurtants da las relaziuns externas dal chantun. Cun ils stadis vischins e cun ils pajais che han relaziuns spezialas cun la Svizra e cun il Grischun vegnan discutadas savens dumondas specificas actualas. Autras visitas servan en emprima lingia a barattar experientschas sin il champ cultural, economic e politic.

Fotografia agiuntada:

Da sanestra: Jakub Novak, chancelier Daniel Spadin, ambassadur James Squire e president da la Regenza Peter Peyer

Responsabladad: Regenza