Ina represchentanza da la Regenza è sa scuntrada a Malögia per in barat cun la vischnanca da Bregaglia.

A chaschun d'in barat cuminaivel tranter las represchentantas ed ils represchentants da la vischnanca da Bregaglia e dal chantun èn vegnidas discutadas differentas sfidas da la vischnanca da Bregaglia. En quest connex han ins promovì en spezial la chapientscha cuminaivla per la forza idraulica, la preschientscha da la Polizia chantunala, il provediment da la sanadad e la colliaziun stradala tranter Segl e Malögia. Il dialog tranter la vischnanca ed il chantun è stà constructiv e plain confidenza. A la scuntrada è il chantun Grischun vegnì represchentà da la cussegliera guvernativa Carmelia Maissen e dals cussegliers guvernativs Peter Peyer e Martin Bühler.

Fotografia agiuntada:

Infurmaziuns:

• Cusseglier guvernativ Martin Bühler, schef dal Departament da finanzas e vischnancas, e‑mail Martin.Buehler@dfg.gr.ch
• Cussegliera guvernativa dr. Carmelia Maissen, scheffa dal Departament d'infrastructura, energia e mobilitad, e‑mail Carmelia.Maissen@diem.gr.ch
• Cusseglier guvernativ Peter Peyer, schef dal Departament da giustia, segirezza e sanadad, e‑mail Peter.Peyer@djsg.gr.ch