L'Uffizi da construcziun bassa renovescha la cuvrida en las stortas stretgas da la via en il sectur sisum dal Pass dal Malögia. Pervia da las stretgas relaziuns da spazi vegnan las lavurs fatgas durant pliras notgs. La via vegn perquai ad esser serrada per vehichels da passa 3,5 tonnas.

Ils ultims onns è la cuvrida da la via dal Pass dal Malögia vegnida sanada en etappas. Quest onn renovescha l'Uffizi da construcziun bassa dal Grischun (UCB) la cuvrida sin in traject da circa 300 meters en il sectur sisum cun las stortas stretgas. Pervia da las stretgas relaziuns da spazi pon las lavurs da cuvrida vegnir exequidas mo cun fitg pauc traffic. Per metter la cuvrida vegni lavurà cun maschinas che dovran bler plaz. Vehichels pli gronds, sco camiuns u autos da posta, na pon perquai betg passar il plazzal en las stortas stretgas.

Da las 22.00 fin las 04.00: temp da spetga e serrada da la via per vehichels sur 3,5 tonnas
Vehichels fin 3,5 tonnas pon passar il plazzal durant la notg – ins sto far quint cun temps da spetga fin 30 minutas. Per vehichels sur 3,5 tonnas è la via serrada. Els n'han er betg la pussaivladad da sviar.

Las lavurs da notg han lieu mintgamai da las 22.00 fin las 04.00, e quai las suandantas datas:

• glindesdi, ils 26 da matg, fin mesemna, ils 28 da matg 2025
• gievgia, ils 5 da zercladur, fin venderdi, ils 6 da zercladur 2025
• mesemna, ils 11 da zercladur, fin gievgia, ils 12 da zercladur 2025
• glindesdi, ils 16 da zercladur, fin mardi, ils 17 da zercladur 2025
• gievgia, ils 19 da zercladur, fin venderdi, ils 20 da zercladur 2025
• glindesdi, ils 23 da zercladur, fin mardi, ils 24 da zercladur 2025

Las lavurs dependan da l'aura. Las datas da reserva èn:

• ils 10–11 da zercladur, ils 12–13 da zercladur, ils 17–18 da zercladur, ils 24–25 da zercladur, ils 25–26 da zercladur 2025

Infurmaziuns actualas sin www.strassen.gr.ch
L'Uffizi da construcziun bassa sa stenta da minimar tant sco pussaivel las restricziuns per las participantas ed ils participants dal traffic. Infurmaziuns actualas davart il stadi da las vias chattais Vus da tut temp sut www.strassen.gr.ch.

Fotografias:

Infurmaziuns:

Jan Kamm, schef dal district 3 Samedan, Uffizi da construcziun bassa dal Grischun, tel. +41 81 257 68 07 (cuntanschibel da las 9.00 fin las 11.00), e‑mail Jan.Kamm@tba.gr.ch

Responsabladad: Uffizi da construcziun bassa