Ina delegaziun dal Cussegl grond dal chantun Son Gagl e dal Landtag dal Principadi da Liechtenstein ha visità oz la presidenta e la vicepresidenta dal Cussegl grond dal Grischun.
En il rom dal 3. inscunter da discussiun «Luzisteig» han la presidenta dal Cussegl grond, Silvia Hofmann e la vicepresidenta dal Cussegl grond, Silvia Valérie Favre Accola beneventà oz a Cuira la presidenta dal Cussegl grond, Barbara Dürr ed il vicepresident dal Cussegl grond, Walter Freund da noss chantun vischin Son Gagl, sco er il president dal Landtag dal Principadi da Liechtenstein, Manfred Kaufmann. La delegaziun è vegnida accumpagnada dal secretari dal Cussegl grond, Patrick Barandun.
L'Inscunter «Luzisteig» è vegnì lantschà l'onn 2023 per promover las discussiuns surregiunalas da las direcziuns dals parlaments en la regiun. L'emprim inscunter ha gì lieu l'onn 2023 a Sargans sin iniziativa ed invit dal president dal Cussegl grond da Son Gagl da quella giada, Jens Jäger. Cun l'inscunter dad oz sa serra il circul per l'emprima giada.
Fotografia agiuntada:
Da sanestra a dretga: Patrick Barandun, Manfred Kaufmann, Silvia Hofmann, Barbara Dürr, Walter Freund, Valérie Favre Accola
Infurmaziuns:
Presidenta dal Cussegl grond Silvia Hofmann, tel. +41 79 231 38 15 (a partir da las 18.00)
Responsabladad: Chanzlia chantunala dal Grischun / Secretariat dal Cussegl grond