Ina delegaziun dal Cussegl grond dal chantun Vallais ha visità oz durant la sessiun d'october 2025 il Cussegl grond dal Grischun.
La delegaziun da 12 persunas da la Val dal Rodan è vegnida manada da la presidenta dal Cussegl grond, Patricia Constantin. Ella è vegnida accumpagnada dal segund vicepresident Didier Morard sco er da las scheffas e dals schefs da las fracziuns dal Cussegl grond dal chantun Vallais.
Ils giasts vallesans èn vegnids beneventads da la presidenta dal Cussegl grond Valérie Favre Accola. Participà a l'inscunter han er represchentantas e represchentants da las fracziuns dal Cussegl grond dal Grischun. L'avantmezdi ha la delegaziun assistì a las tractativas currentas en l'edifizi dal Cussegl grond. Suenter è in gentar cuminaivel stà sin il program. Il program accumpagnant, cun ina visita en il Signuradi, ha gì lieu gia il di avant.
Las visitas d'auters parlaments servan al barat d'experientschas sco er a la tgira da las relaziuns amicablas. Questas scuntradas cun persunas directivas da parlaments chantunals amis han lieu ina fin duas giadas per onn.
Fotografias agiuntadas:
Foto 2 | Las duas delegaziuns a Cuira.
Infurmaziuns:
Patrick Barandun, manader dal Secretariat dal Cussegl grond, Chanzlia chantunala, tel. +41 81 257 22 32, e‑mail Patrick.Barandun@staka.gr.ch
Responsabladad: Chanzlia chantunala dal Grischun / Secretariat dal Cussegl grond