Ines E. Follador-Breitenmoser, la directura dal stabiliment giudizial Cazas Tignez, va la fin da mars 2026 en pensiun. Durant tut en tut 15 onns ha ella manà l'execuziun serrada en il Grischun. Ines E. Follador-Breitenmoser è stada participada decisivamain a l'installaziun dal manaschi da Cazas Tignez sco er a la translocaziun da l'anteriura praschun Sennhof l'onn 2020 davent da Cuira a Cazas.

La successiun dad Ines E. Follador-Breitenmoser en la direcziun dal stabiliment giudizial Cazas Tignez vegn surpigliada la primavaira proxima da Markus Städler e Kiran Trost, duas persunalitads cun blera experientscha en l'execuziun giudiziala. Il stabiliment giudizial Cazas Tignez porscha a var 110 persunas ina lavur che dat in senn. En il stabiliment pon vegnir assistidas 150 persunas collocadas.

Anc averta è la dumonda, tgi che surpiglia la direcziun da l'Uffizi per l'execuziun giudiziala. Qua cuntinuescha il process d'annunzia, perquai ch'ins n'ha fin ussa anc betg chattà ina persunalitad adattada che ademplescha il vast profil d'exigenzas.

Infurmaziuns:

Cusseglier guvernativ Peter Peyer, schef dal Departament da giustia, segirezza e sanadad, tel. +41 81 257 25 13 (cuntanschibel da las 13.30 fin las 14.00), e‑mail medienstelle@djsg.gr.ch

Responsabladad: Departament da giustia, segirezza e sanadad