Per la 17avla giada ha gì lieu ils 9 da december 2025 l'inscunter da las anteriuras presidentas e dals anteriurs presidents dal Cussegl grond. Bleras da las anteriuras pli autas Grischunas e dals anteriurs pli auts Grischuns han acceptà l'invitaziun da visitar la sessiun da december dal Cussegl grond sco er al gentar cuminaivel.

L'inscunter tradiziunal da las anteriuras presidentas e dals anteriurs presidents dal Cussegl grond ha lieu mintga 2 onns. Sin il program èn stads er quest onn in termin per far fotografias e la visita da la sessiun dal Cussegl grond. A chaschun d'in gentar cuminaivel hai silsuenter dà l'occasiun da sa barattar davart temps passads e davart actualitads cun la presidenta dal Cussegl grond actuala Valérie Favre Accola, cun il president da la Regenza Marcus Caduff e cun ulteriuras politicras e politichers grischuns.

Fotografia agiuntada:

Infurmaziuns:

Ueli Bleiker, president da la «Uniun dals anteriurs presidis dal Cussegl grond», tel. +41 79 268 44 27

Responsabladad: Chanzlia chantunala / Secretariat dal Cussegl grond