Sin invit da la Regenza ha l'ambassadur israelian, Tibor Shalev Schlosser, visità oz il chantun Grischun.

L'ambassadur israelian Tibor Shalev Schlosser è vegnì beneventà oz en la Chasa grischa a Cuira dal president da la Regenza Marcus Caduff, dal chancelier Daniel Spadin e da l'incumbensà per relaziuns externas Dominik Hemmi. Suenter il barat dals salids uffizials è in gentar cuminaivel stà sin il program.

La Regenza grischuna tgira annualmain contacts cun represchentantas e represchentants da stadis esters en Svizra. Ils discurs èn elements impurtants da las relaziuns externas dal chantun. Cun ils stadis vischins e cun ils pajais che han relaziuns spezialas cun la Svizra e cun il Grischun vegnan discutadas savens dumondas specificas actualas. Autras visitas servan en emprima lingia a barattar experientschas sin il champ cultural, economic e politic.

Fotografia agiuntada:

da sanestra a dretga: il chancelier Daniel Spadin, il president da la Regenza Marcus Caduff, l'ambassadur Tibor Shalev Schlosser e Dominik Hemmi

Infurmaziuns:

President da la Regenza Marcus Caduff, schef dal Departament d'economia publica e fatgs socials, e‑mail Marcus.Caduff@dvs.gr.ch

Responsabladad: Regenza