La Regenza ha approvà la revisiun parziala da la planisaziun locala che la vischnanca da Tavau aveva concludì ils 17 da december 2023. En il territori Färbi a Tavau Plaz stgaffescha ella uschia las premissas da la planisaziun d'utilisaziun, per ch'i possia vegnir realisà spazi d'abitar per persunas indigenas.

Per quest intent vegnan la gronda part da la parcella nr. 40 sco er ina part da la parcella nr. 41 attribuidas a la zona d'abitar urbana. En il plan general da furmaziun vegnan plinavant extendids ils perimeters da tetg plat sur parts da la parcella nr. 40 e fixadas autezzas maximalas dals edifizis. Per lung da la promenada è plinavant vegnida previsa ina fixaziun speziala da l'autezza da l'edifizi. En il plan general d'avertura vegni la finala pussibilità da divergiar dal dumber da plazzas da parcar obligatoricas ed i vegnan fixads ils access e las sortidas.

Infurmaziuns: Departament d'economia publica e fatgs socials