Sin invit da la Regenza ha l'ambassadur serb, Ivan Trifunović, visità oz il chantun Grischun.

L'ambassadur da la Serbia Ivan Trifunović è vegnì beneventà oz en la Chasa grischa a Cuira dal president da la Regenza Martin Bühler, dal chancelier Daniel Spadin e da l'incumbensà per relaziuns externas Dominik Hemmi. L'ambassadur è vegnì accumpagnà da Dmitar Stanišić, emprim cusseglier d'ambassada, sco er da Bojan Stojanović, cusseglier d'ambassada. Suenter il barat dals salids uffizials è in gentar cuminaivel stà sin il program.

La Regenza grischuna tgira annualmain contacts cun represchentantas e represchentants da stadis esters en Svizra. Ils discurs èn elements impurtants da las relaziuns externas dal chantun. Cun ils stadis vischins e cun ils pajais che han relaziuns spezialas cun la Svizra e cun il Grischun vegnan discutadas savens dumondas specificas actualas. Autras visitas servan en emprima lingia a barattar experientschas sin il champ cultural, economic e politic.

Fotografia agiuntada:

da sanestra a dretga: Bojan Stojanović, il chancelier Daniel Spadin, l'ambassadur Ivan Trifunović, il president da la Regenza Martin Bühler, Dominik Hemmi e Dmitar Stanišić

Infurmaziuns:

President da la Regenza Martin Bühler, schef dal Departament da finanzas e vischnancas, e‑mail Martin.Buehler@dfg.gr.ch

Responsabladad: Regenza