Gievgia ha gì lieu a Roveredo ina maisa radunda davart il tema da la criminalitad organisada. Quest barat sa basa sin il process da sensibilisaziun che la Polizia chantunala patitgescha dapi in pèr onns en l'administraziun chantunala. Sut l'aspect da la discussiun actuala n'han ins betg mo envidà las autoritads chantunalas a quest barat, mabain er delegadas e delegads da las vischnancas da la Val Mesauc e da la Val Calanca.

Il barat menziunà serva a sensibilisar las autoritads participadas e vegn perquai realisà sco diaolog operativ. Il focus vegn mess sin rinforzar la conscienza per las structuras da la criminalitad organisada ch'è sa domiciliada qua.

A medem temp vegni mussà, tge che las autoritads pon far per disturbar la criminalitad organisada, dentant er en tge secturs ch'ellas fruntan sin restricziuns legalas.

Infurmaziuns cumplementaras davart il tema da la criminalitad organisada chattais Vus sin la pagina d'internet da l'Uffizi federal da polizia (fedpol).

Infurmaziuns:

• Servetsch da medias da la Polizia chantunala dal Grischun, e‑mail info@kapo.gr.ch
• Dumondas da las medias, che stattan en connex cun auters posts da servetsch chantunals, vegnan coordinadas dal Servetsch da communicaziun da la Chanzlia chantunala, e‑mail kommunikationdienst@gr.ch

Responsabladad: Departament da giustia, segirezza e sanadad / Polizia chantunala dal Grischun