A partir da la sessiun d'avust 2026 vegn il livestream dal Cussegl grond registrà. Uschia pon las sessiuns er vegnir guardadas pli tard en l'internet.

Tgi che vul persequitar en l'avegnir las debattas dal Cussegl grond, na sto betg pli seser davant il monitur durant la sessiun currenta: A partir da la sessiun d'avust, che cumenza ils 27 d'avust 2026, vegnan ils videos dal livestream dal Cussegl grond registrads ed elavurads. Las sessiuns pon uschia vegnir guardadas posteriuramain tant en tun original sco er cun las translaziuns tudestgas e talianas.

Il livestream ed ils videos da las sessiuns registrads stattan a disposiziun sin la pagina d'internet dal Cussegl grond: https://ris.gr.ch/rm/videos.

Infurmaziuns:

Vicepresident dal Cussegl grond Fabio Luzio, tel. +41 79 379 26 35, e‑mail fabio@luzio.ch

Responsabladad: Cussegl grond