La Regenza è fitg consternada dal tragic accident d'autocar dad ier saira a Susch, nua che pliras persunas han pers lur vita.

Ses patratgs èn tar las victimas, lur confamigliars e tut las persunas ch'èn pertutgadas da quest grev accident. Ad ellas exprima la Regenza sia sincera condolientscha e sia profunda contristezza. A las persunas blessadas giavischa la Regenza ina svelta e cumpletta guariziun. Plinavant engrazia ella a las forzas d'acziun sco er a tut las gidantras e tut ils gidanters ch'èn engaschads al lieu.

En il rom da la scuntrada cun il cusseglier federal Ignazio Cassis a Soglio vegnan las participantas ed ils participants a commemorar oz suentermezdi las victimas da l'accident d'autocar durant ina minuta da silenzi.

Infurmaziuns:

President da la Regenza Martin Bühler, schef dal Departament da finanzas e vischnancas, e‑mail Martin.Buehler@dfg.gr.ch

Responsabladad: Regenza